दक्षिण कोरियामा १२ हजारभन्दा बढी नयाँ संक्रमित

२७ असार, एजेन्सी । दक्षिण कोरियामा विगत २४ घण्टामा १२,६९३ कोभिड-१९ बाट संक्रमित फेला परेका छन् । योसँगै कुल संक्रमितको सङ्ख्या १८,५२४,५३८ पुगेको स्वास्थ्य अधिकारीहरूले सोमबार बताएका छन् ।

गम्भीर अवस्थामा रहेका संक्रमितको सङ्ख्या अघिल्लो दिनको तुलनामा ४ ले बढेर ७१ पुगेको छ । थप १८ जनाको मृत्यु भएको पुष्टि भएको छ जसबाट कुल मृत्यु हुनेको सङ्ख्या २४,६६१ पुगेको छ। संक्रमितको कुल मृत्यु दर भने ०.१३ प्रतिशत रहेको छ ।