गरिमा विकास बैंकद्धारा काठमाडौं र स्याङ्गजामा सामाजिक उत्तरदायित्व अन्तर्गत सामाग्री हस्तान्तरण

३० असार, काठमाडौ । गरिमा विकास बैंकले संस्थागत सामाजिक उत्तरदायित्व अन्तर्गत विभिन्न सामाजिक कार्य गर्दै आइरहेको जनाएको छ । बैंकले सोहि कार्याक्रमलाई उच्च स्थानमा राखेर काठमाडौं र स्याङ्गजामा विभिन्न सामाग्रीहरु हस्तान्तरण गरेको हो ।

बैंकले काठमाडौंको माछापोखरी शाखाको समन्वयमा काठमाडौं महानगरपालिका–१६, बसन्तनगर, तारकेश्वर धाममा क्रियापुत्री घर-कम्पाउण्डमा आवश्यक १०० लिटरको १० थान र ३२ लिटरको २० थान गरि जम्मा ३० थान डस्बीन तारकेश्वर धाम समितिलाई हस्तान्तरण गरेको छ ।

त्यस्तै, स्याङ्गजाको वालिङ्ग शाखाको समन्वयमा वालिङ्ग वहुमुखी क्याम्पसलाई यस विकास बैंकका पूर्व अध्यक्ष दिलिप प्रताप खाँडबाट २० थान स्टान्ड फ्यान हस्तान्तरण गरिएको जनाएको छ ।