सिटिजन्स बैंकको संस्थापक शेयरको लिलामी बिक्री स्थगित

२ साउन, काठमाडौं । सिटिजन्स बैंकको २ लाख ६५ हजार ९९९ कित्ता संस्थापक शेयरको लिलामी बिक्री स्थगित भएको छ । बैंकले संस्थापक समूहको सेयर असार २९ गतेदेखि लिलामीमार्फत बिक्री खुला गरेको थियो ।

बिक्री प्रबन्धक सनराइज क्यापिटलले सोमबार एक सूचना प्रकाशित गर्दै हाललाई लिलामी प्रक्रिया स्थगित गरिएको जनाएको छ ।

सिटिजन्सले संस्थापक शेयरका लागि न्यूनतम १५२ रुपैयाँ वा सोभन्दा बढी मूल्य कबोल गरी गोप्य शिलबन्दी बोलपत्र पेस गर्न आग्रह गरेको थियो ।

यसमा साउन ११ गतेसम्म आवेदन दिन पाउने व्यवस्था गरिएको थियो । लिलामी प्रक्रिया स्थगित गर्नुको कारण भने खुलाइएको छैन ।