सप्तरीमा मोटरसाइकल पल्टिदा दुई जना गम्भीर घाइते

६ साउन, सप्तरी ।  सप्तरीको शम्भुनाथ नगरपालिका–८ मा गएराती पैदलयात्रीलाई ठक्कर दिएर मोटरसाइकल पल्टिदा दुई जना घाइते भएका छन् ।

घाइते भएका पैदलयात्री अन्दाजी २७ वर्षीय युवक र मोटरसाइकल चालक अन्दाजी ३० वर्षीय युवकको छिन्नमस्ता अस्पताल राजबिराजमा उपचार भइरहेको छ । घाइते मध्ये मोटरसाइकल चालकको अवस्था गम्भीर रहेको छ ।

पैदल हिडिरहेका युवकलाई ठक्कर दिएर गएराती पौने ११ बजे मोटरसाइकल पल्टिएको इलाका प्रहरी कार्यालय कल्याणपुरले जनाएको छ ।