बर्दियामा प्रहरी हिरासतबाटै बलात्कारीका आरोपी फरार

◊ दीपक शर्मा

११ साउन, बर्दिया । इलाका प्रहरी कार्यालय मोतिपुर बर्दियाको हिरासतमा रहेका एक जना थुनुवा फरार भएका छन ।
गएको असार २३ गते जवरजस्ती करणी गरेको आरोपमा पक्राउ परेका बाँके खजुरा गाँउपालिका ८ का २६ वर्षिय अव्दुल खाँ दिउँसै हिरासत कक्षबाट भाग्न सफल भएका हुन ।

सोमबार बिहान ११ वजेतिर थुनुवा कक्षबाट फरार भएको जिल्ला प्रहरी कार्यालय बर्दियाका प्रहरी नायव उपरिक्षक सुर्यप्रसाद सुवेदीलले नेपालबहस डटकमलाई बताए । खाँलाई बलात्कारको अभियोगमा बाँकेबाट पक्राउ गरि बर्दिया ल्याइएको थियो ।

प्रहरीले खाँ फरार भएको घटना लुकाउन खोजेको भएपनि सार्वजनिक भएको थियो । प्रहरीले खाँको खोजी कार्य जारी राखेको जनाएको नेपालबहस डटकमसँगको कुराकानी बताएको छ ।

जिल्लामा प्रहरी नेत्रृत्वको लापरबाहिका कारण नै खाँ भाग्न सफल भएको प्रहरी वृतमा चर्चा चलेको छ । प्रहरीले आन्तरिक रुपमा छानविन थालेको जनाएको छ ।