विन्धवासिनी हाइड्रोपावरको शेयर कारोबार खुला, १ करोड कित्ता शेयर नेप्सेमा सूचीकरण

१२ साउन, काठमाडौं । विन्धवासिनी हाइड्रोपावर कम्पनीकोे आईपीओ नेप्सेमा सूचीकरण भएसँगै शेयर कारोबार खुला भएको छ । बुधबार यसको १ करोड कित्ता शेयर सूचीकरण भएको हो । सूचीकरण भएसँगै बिहीबारबाट यसको शेयर कारोबार खुला भएको छ ।

सूचीकरणसँगै नेप्सेले यसको ओपनिङ रेन्ज पनि तोकेको थियो । जसअनुसार पहिलो कारोबार न्यूनतम १११ रुपैयाँ ३४ पैसादेखि अधिकतम ३३४ रुपैयाँ ०२ पैसाभित्र रहेर हुनेछ । बीएचडीसी संकेतमा यसको कारोबार खुला हुनेछ ।