पछिल्लो २४ घण्टामा ७१० जनामा कोरोना पुष्टि, दुई संक्रमितको मृत्यु

१२ साउन, काठमाडौं । नेपालमा पछिल्लो २४ घण्टामा ७१० जनालाई कोरोना भाइरस संक्रमण पुष्टि भएको छ । स्वास्थ्य  मन्त्रालयका अनुसार देशभर ५ हजार २५ नमुना परीक्षण गर्दा उनीहरुमा संक्रमण पुष्टि भएको हो ।

पछिल्लो २४ घण्टामा थप २ जनाको मृत्यु भएको छ । यससँगै कोरोना संक्रमणबाट मृत्यु हुनेको संख्या ११ हजार ९६२ पुगेको छ ।

अहिले सक्रिय संक्रमितको संख्या ४२ सय ३६ पुगेको छ । जसमध्ये १५६ जना संस्थागत आइसोलोसनमा छन् । जसमा ३३ जनाको आइसियु र ३ जनाको भेन्टिलेटरमा उपचार भइरहेको छ ।