गुराँस लाइफद्धारा २६ लाखको मृत्यु दावी भुक्तानी

१३ साउन, काठमाडौं । गुराँस लाइफ इन्स्योरेन्सले एकै दिन दुई वटा मृत्यु दाबी भुक्तानी गरेको छ । कम्पनीका प्रमुख कार्यकारी अधिकृत विपिनकुमार लालले बीमित शेष अनसारुलको श्रीमति समसा खातुलनलाई मृत्यु दाबी भुक्तानी गरेका छन् ।

सीईओ लालले रौतहटको देवाही गोनाही नगरपालिका–१ का मृतक शेष अनसारुल हकको मृत्यु दावी वापतको रकम उनकी श्रीमती समसा खातुनलाई मृत्यु दावी वापतको १३ लाख रुपैयाँको चेक हस्तान्तरण गरेका हुन् ।

यस्तै कम्पनीले तेह्रथुम जिल्ला, फेदाप गाउँपालिका–२ बस्ने, वर्ष ३५ को हेमराज लिम्बुको मृत्यु दावी वापतको रकम उनकी श्रीमती कौशिला लिम्बुलाई मृत्यु दावी वापत १३ लाख रुपैयाँको चेक हस्तान्तरण गरेको छ ।

कम्पनीका प्रमुख कार्यकारी अधिकृत लालले बिमा समितिले आ।व।२०७८/०७९ लाई बिमा दावी भुक्तानी वर्ष घोषित गरेको र सोही अनुरुप कम्पनीले आ.व. २०७८/०७९ मा दर्ता भएका सम्पूर्ण मृत्यु दावी फछ्र्यौट गरेको बताए ।