प्रि-ओपन सेसनमा नेप्से सूचकमा सामान्य बृद्धि, १२ लाखभन्दा बढीको कारोबार

१५ साउन, काठमाडौं । प्रि-ओपन सेसनमा नेप्से सूचक १ दशमलव ७८ अंकले बढेको छ । यससँगै नेप्से सूचक २१४२ दशमलव ३१ विन्दुमा आएको छ ।

आइतबार १२ लाख १९ हजार रुपैयाँभन्दा बढीको शेयर कारोबार भएको छ । १७ कम्पनीको चार हजार १९५ कित्ता शेयर कारोबार भएको छ । कुल ४५ वटा कारोबार भएको छ ।

यस सेसनमा १४ कम्पनीको भाउ बढेको छ भने दुईवटाको मूल्य घटेको छ । बाँकी कम्पनीको भाउमा कुनै पनि परिवर्तन भएको छैन ।