देशभर थप ६२० जनामा कोरोना पुष्टि, एक संक्रमितकाे मृत्‍यु

१५ साउन, काठमाडौं । पछिल्लो २४ घण्टामा देशभर थप ६ सय २० जनामा कोरोना भाइरस संक्रमण पुष्टि भएको छ । सो अवधिमा एक जनाको मृत्‍यु भएको छ ।

स्वास्थ्य मन्त्रालयका अनुसार ५ हजार ८४६ जनाको परीक्षणमा ६२० जनामा संक्रमण पुष्टि भएको हो । जसमध्‍ये २ हजार ६५१ जनाको पीसीआर परीक्षण गर्दा ४९६ जना र ३ हजार १९५ जनाको एन्टिजेन परीक्षण गर्दा १२४ जनामा संक्रमण देखिएको मन्त्रालयको भनाइ छ ।

योसँगै कोरोना भाइरसको सक्रिय संक्रमितको संख्या ४ हजार ५६७ पुगेको छ । आइतबार थपिएसँगै नेपालमा कोरोना संक्रमितको कुल संख्या ११ लाख २९ हजार २२९ पुगेको छ ।