महालक्ष्मी विकास बैंकले १० लाख कित्ता ऋणपत्र निष्काशन गर्दै, सर्वसाधारणलाई कति ?

१६ साउन, काठमाडौं । महालक्ष्मी विकास बैंकले १० लाख कित्ता ऋणपत्र निष्काशन गर्ने भएको छ । “सबल बैंक, सफल सहकार्य” को नारालाई आत्मसाथगर्दै नेपालीजनताको घरदैलोमाविगत २८ वर्ष देखि अनवरत रुपले गुणस्तरिय वित्तिय सेवाप्रदानगर्दै आएको यस बैंकले हजार रुपैयाँ अंकित मूल्य भएको एक अर्ब रुपैयाँ बराबरको १० वर्षे अवधिको ऋणपत्र ल्याउन बिक्री प्रबन्धकमा एनआई सी एशिया क्यापिटललाई नियुक्त गरेकाे हाे ।

बैंकले सोमबार ऋणपत्र निष्कासनका लागि एनआईसी एसिया क्यापिटलसँग सम्झौता गरेको जनाएको छ । बैंकले ६० करोड रुपैयाँ बराबरको प्राइभेट प्लेसमेन्ट र ४० करोड रुपैयाँ बराबरको ऋणपत्र सर्वसाधारणलाई बेच्ने जनाएको छ ।बैंकका १ सय ३ वटा शाखा छन् भने ६ लाख ग्राहक छन् । आवश्यक सम्पूर्ण प्रक्रिया पूरा गरेपछि बैंकले ऋणपत्र बिक्री गर्ने बैंकले जनाएको छ ।

यस बैंकले प्रदेश नं १ मा ५, प्रदेश नं २ मा १५, बाग्मतीप्रदेशमा ३७, गण्डकी प्रदेशमा ९, लुम्बिनीप्रदेशमा १८, कर्णलीप्रदेशमा २ र सुदुरपश्चिमप्रदेशमा १७ वटा गरी कुल १०३ वटा शाखाहरु मार्फत करिब ६ लाख् गहकहरुलाई उच्चस्तरिय वित्तिय सेवाहरु सरलिकृत तवरले प्रदान गर्दै आईरहेको बैंकले जनाएकाे छ । कोभिड ̵ १९ को जोखमिलाई न्युनीकरण गर्न सकेसम्म डिजिटल बैंकिङमार्फत कारोबार गरी आफु सुरक्षितभई अरुलाई पनि सूरक्षित राख्न बैंकले  अपिल गरेको प्रवक्ता दिपेश लम्सालले बताए ।