कोरोनाबाट थप एकको मृत्यु, २६४ जना कोरोनामुक्त !

१६ साउन, काठमाडौं । नेपालमा पछिल्लो २४ घण्टामा कोरोना भाइरस संक्रमणका कारण थप एक जनाको मृत्यु भएको छ । योसँगै नेपालमा कोरोनाबाट मृत्यु हुनेको सङ्ख्या  ११ हजार नौ सय ६८ पुगेको छ ।

आज ८९५ नयाँ संक्रमित थपिदा २६४ जना कोरोनामुक्त भएको स्वास्थ्य मन्त्रालयले जनाएको छ । मन्त्रालयका अनुसार हाल नेपालमा सक्रिय संक्रमितको संख्या ४९३४ पुगेको छ ।

अब्यबस्थित भिडभाडका कारण दिनप्रतिदिन कोरोना संक्रमण बढ्दै गइरहेको छ । सार्बजनिक यातायातदेखी लिएर सार्बजनिक स्थलहरुमा अनावश्यक भिडभाड राम्रोसंग ब्यबस्थित हुन नसक्दा कोराना संक्रमणका बिरामी बढ्दै गईरहेका छन् ।  जसले गर्दा कोरोना संक्रमण बढेसंगै मृत्यु हुनेको संख्यापनि दिनप्रतिदिन बढ्दै गइरहेकाे छ ।

यसैबीच, तथा जनसङ्ख्या मन्त्रालयले कोरोना भाइरसको संक्रमण बढ्दै गएपछि भीडभाड नगर्न र सावधानी अपनाउन सबैलाई आग्रह गरेको छ।