एनसीसी बैंकको शेयर लिलामी भर्ने आज अन्तिम मौका

२२ साउन, काठमाडौं । एनसीसी बैंकको २६ लाख ३१ हजार १३६ कित्ता संस्थापक शेयर लिलामी गर्दैछ । बैंकको शेयर खरिदका लागि फारम भर्ने आइतबार अन्तिम दिन हो ।

लिलामी शेयरमा बैंककै संस्थापक शेयरधनीसहित अन्य व्यक्ति, कम्पनी तथा संघसंस्थाले आवेदन दिन सक्नेछन् । यसमा न्यूनतम १३१ रुपैयाँ वा सो भन्दा बढी मूल्य कबोल गरी गोप्य शिलबन्दी बोलपत्र पेस गर्नुपर्नेछ ।

लगानीकर्ताले न्यूनतम एक हजार कित्तादेखि अधिकतम सबै कित्ताका लागि आवेदन दिन सक्नेछन् । बिक्री प्रबन्धक सनराइज क्यापिटल, कमलपोखरी काठमाडौंमा पुग्ने गरी आवेदन बुझाउनुपर्नेछ ।