बाह्र वर्षदेखि अलपत्र रहेको लम्सुवाघाटको पुल

२२ साउन, भोजपुर ।  बाह्र वर्षदेखि अलपत्र अवस्थामा रहेको भोजपुर र सङ्खुवासभा जोड्ने लम्सुवाघाटको पुल । निर्माणमा ढिलाई भएपछि निर्माण कम्पनीसँगको ठेक्का सम्झौता तोडिएको सडक डिभिजन कार्यालय तुम्लिङटारले जनाएको छ ।  स्वच्छन्द निर्माण कम्पनीले विसं २०६७ मा निर्माण सुरु गरेको पुल सम्झौताअनुसार विसं २०७० मा सक्नु पर्ने थियो । पुल निर्माणमा हालसम्म रु तीन करोड ८५ लाख खर्च भइसकेको कार्यालयले जनाएको छ । अब पुललाई पूर्णता दिन नयाँ बोलपत्र आह्वान गरिने कार्यालयको भनाइ छ । तस्बिर: युवराज विष्ट/रासस