असमान तलव वृद्धिका विरूद्ध आन्दोलन, भोलि देशभरिका नासु बिदामा बस्ने

२३ साउन, काठमाडौंं । असमान तलव वृद्धिकाविरूद्ध सिंहदरबार भित्रका निजामती कर्मचारीहरू आन्दोलनमा उत्रियसंगै भोलि देशभरिका नासु बिदामा बस्ने भएका छन् ।

बजेट घोषणा विपरीत असमान ढंगले कर्मचारीहरुको तलब वृद्धि गरेको भन्दै तल्लो तहका कर्मचारी आन्दोलित भएका हुन् । आन्दोलनको कार्यक्रम अनुसार नायव सुब्बा कर्मचारीले भोलि मंगलबार बिदामा बस्ने घोष्णा गरेका छन् ।

सूचना तथा सञ्चार मन्त्रालयको हलमा भएको नासु कर्मचारीहरुको भेलाले भोलि देशभरीका नासु बिदामा बस्ने र अर्थमन्त्री, सामान्य प्रशासन तथा संघीय मामिला मन्त्री, मुख्य सचिव, अर्थ सचिव र सामान्यका सचिवलाई मागको विषयमा एसएमएस गर्ने निर्णय भएको जनाइएको छ । आन्दोलनका थप कार्यक्रम भोलि तय गर्न बताइएको छ ।

सोमबार कर्मचारीले सिंहदरबारमै पेन डाउन गरेका थिए र असमान तलब वृद्धि र निजामती सेवा ऐनको विषयमा नासु कर्मचारी आन्दोलित हुँदै आएका छन् ।