सयपत्री हाइड्रोपावरको आईपीओ बाँडफाँट, रिजल्ट हेर्ने कसरी ?

२४ साउन, काठमाडौं । सयपत्री हाइड्रोपावरको आईपीओ मंगलबार बाँडफाँट भएको छ । यसमा गोलाप्रथामार्फत ६७ हजार ५८ जना सर्वसाधारणले शेयर पाएका छन् ।

जसमध्ये ६ जनाले ११ कित्ता र बाँकीले १० कित्ताका दरले शेयर पाएका छन् । यो आईपीओमा कुल १४ लाख १३ हजार ५७२ जनाले आवेदन दिएकामा एक हजार १०४ जनाको आवेदन रद्द भएको बिक्री प्रबन्धक एनआईबीएल एस क्यापिटलले जानकारी गराएको छ ।

सयपत्रीले १३ देखि १७ साउनसम्म आयोजना प्रभावित स्थानीयले नकिनेको एक लाख २१ हजार ६० कित्तासमेत थप गरी कुल सात लाख २१ हजार ६० कित्ता शेयर निष्काशन गरेको हो । यसमध्ये ३६ हजार ५३ कित्ता शेयर समूहिक लगानी कोष र १४ हजार ४२१ कित्ता शेयर कम्पनीका कर्मचारीहरुका लागि छुट्याइएको थियो । बाँकी ६ लाख ७० हजार ५८६ कित्ता शेयरमा सर्वसाधारणले आवेदन दिएका थिए ।

लगानीकर्ताले एनआईइबीएल एस क्यापिटलको वेबसाइट र मेरोशेयर एकाउन्टबाट आईइपीओको नतिजा हेर्न सक्नेछन् । साथै, सयपत्री हाइड्रोपावरको वेबसाइट तथा सीडीएस एन्ड क्लियरिङले आईपीओ रिजल्ट हेर्न बनाएको वेबसाइट https://iporesult.cdsc.com.np/बाट पनि रिजल्ट हेर्न सकिन्छ ।