पछिल्लो २४ घण्टामा ८६८ संक्रमित, ३ जनाको मृत्यु

२५ साउन, काठमाडौं । नेपालमा पछिल्लो २४ घण्टामा ८६८ जना नयाँ काेराेना भाइरस संक्रमित थपिएका छन् । पीसीआरबाट ४९६ र एन्टिजेनबाट ३७२ जनाका कोरोना पुष्टि भएको हो ।

स्वास्थ्य मन्त्रालयका अनुसार २४ घण्टामा ३६१४ पीसीआर र ३०९१ एन्टिजेन गरी ६७०४ कोरोना परीक्षण भएको छ । ४१४ जना कोरोनामुक्त हुँदा ३ जनाको मृत्यु भएको छ ।

मन्त्रालयका अनुसार हाल सक्रिय संक्रमितको संख्या ५८८५ रहेको छ। पछिल्लो २४ घन्टामा १ लाख ३८ हजार ८४० जनाले कोरोनाविरुद्धको खोप लगाएको मन्त्रालयको भनाइ छ।