गठबन्धनमा आफनो पार्टीलाई पनि सहभागी गराउन बाबुरामको दौडधुप जारी

२६ साउन, काठमाडौं । मंसीर ४ गते हुने प्रतिनिधिसभाको निर्वाचनमा आफनो जित सुनिश्चित गर्न नेपाल समाजवादी पार्टी नेसपाका अध्यक्ष डा. बाबुराम भट्टराईले माओवादी केन्द्रका नेताहरुलाई भेटेर मोर्चा बनाउने प्रस्ताव राखेका छन् ।

जसपाबाट अलग भएका डा. भट्टराईसहितका नेताहरुले बनाएको नेसपा पनि मोर्चामा सहभागी हुन तयार देखिएको छ माओवादीले एकीकृत समाजवादी र जनता समाजवादी पार्टीसँग मिलेर वाम समाजवादी मोर्चा बनाउन छलफल गरिरहेको छ । ।

नेसपाका अध्यक्ष भट्टराईले बिहीबार माओवादी केन्द्रका अध्यक्ष पुष्पकमल दाहाल ‘प्रचण्ड’ र वरिष्ठ उपाध्यक्ष नारायणकाजी श्रेष्ठलाई भेटेर मोर्चाबारे छलफल गरेका हुन् ।

‘मोर्चा बनाउने र एउटै चुनाव चिह्नमा लड्ने प्रस्ताव भट्टराईले राखेको स्रोतले बताएको छ । आफुलाई पनि गठबन्धनमा सहभागी गराउन भन्दै बाबुरामले प्रधानमन्त्री शेरबहादुर देउवालाई पनि आग्रह गरेका थिए ।