छोरीसंग प्रेम सम्बन्ध राखेको भन्दै शिक्षकले बिद्यार्थी कुटे

२६ साउन ,दाङ । दाङको जनज्योति मावि बेलामा अध्ययनरत राजपुर गाउँपालिका–३ खरदरियाका १९ वर्षीय मन्साराम यादवले आफ्नी छोरीसंग प्रेम सम्बन्ध राखेको भन्दै शिक्षक पाटेश्वर यादवले आफनै विद्यार्थिलाई निर्घात कुटपीट गरेका छन् ।

आफ्नी छोरीसँग प्रेम सम्बन्धमा रहेको भन्दै शिक्षक यादवले उनलाई साउन २० गते राति गाउँमै कुटपिट गरेको पीडितका परिवारले जानकारी दिए ।कुटपीटको आरोपमा पाटेश्वर यादवलाई प्रहरीले पक्राउ गरेको छ ।

कुटपिटमा सघाएको आरोपमा शिक्षकका दाइ धीरबहादुर यादवलाई पनि पक्राउ गरिएको छ ।कुटपिटमा संलग्न अन्य तीन जना फरार रहेको र खोजी भइरहेको इलाका प्रहरी कार्यालय गढवाले जानकारी दिएको छ । पिडितका अनुसार आफुलाई लाठी, मुक्का र लात्ती प्रहार गरी कुटपीट गरको शरीरभरि चोट लागेको भन्दै परिवारको सल्लाहमा प्रहरीसमक्ष उजुरी गरेपछि कुटपिटमा संलग्नहरुलाई पक्राउ गरिएको बताइएको छ ।