पछिल्लो २४ घण्टामा कोरोनाबाट थप दुईको मृत्यु, ७१२ संक्रमित

२७ साउन, काठमाडौं । नेपालमा पछिल्लो २४ घण्टामा ज्यानमारा कोरोना भाइरसबाट थप दुई जनाको मृत्यु भएको छ । स्वास्थ्य मन्त्रालयका अनुसार आज ४ हजार ७१२ जनाको परीक्षणमा ७८१ जनामा कोरोना संक्रमण देखिएकाे छ ।

मन्त्रालयका अनुसार २ हजार २१९ जनाको पीसीआर परीक्षण गर्दा ४१९ जना र २ हजार ४२२ जनाको एन्टिजेन परीक्षण गर्दा ३६२ जनामा संक्रमण देखिएको बताइएकाे छ ।

योसँगै कोरोना भाइरसको सक्रिय संक्रमितको संख्या ५ हजार ७७५ पुगेको छ । पछिल्लो २४ घण्टामा ५११ जना संक्रमणमुक्त भएका छन् । जसमध्‍ये ५ हजार ५६५ जना होम आइसोलेसनमा रहेका छन् भने २१० जना संस्थागत आइसोलेसन र ६३ जना आईसीयूमा छन् ।

यस्तै ८ जनाको भेन्टिलेरमा राखेर उपचार भइरहेको मन्त्रालयले जनाएको छ । शुक्रबार थपिएसँगै नेपालमा कोरोना संक्रमितको कुल संख्या ११ लाख ३९ हजार २२६ पुगेको छ ।