ग्राहकहरूको भवितव्यमा एनआईसी एशिया बैंकको भरोसा, सर्वश्रेष्ठ बचत खाता खोल्दा ४ जनालाई रू. ८४ लाखसम्मको पञ्चवर्षीय बीमा सुरक्षण निःशुल्क

२७ साउन, काठमाडौं । तपाईंलाई आफ्नो भविष्यबारे कति चिन्ता लाग्छ ? र, तपाईंको परिवारले तपाईंबाट के अपेक्षा गरेका छन् ? भविष्यमा परी आउने भवितव्यलाई कसरी सामना गर्ने ? यस्ता कुरा औसत आम्दानी भएका आम नेपालीहरूको मनमा खेल्ने कुरा हुन् । अर्थात् भविष्यबारे अधिकांशले चिन्ता गरिरहेकै हुन्छन् । तर चिन्ता गरेर मात्रै समाधान हुँदैन । निकास निकाल्नका लागि उत्तम उपायको खोजी गर्नुपर्छ । आजको अत्याधुनिक युगमा तपाईंको भविष्य सुरक्षित बनाउने, थोरै आम्दानीले पनि दिगो रुपमा समाधान निकाल्ने उपायहरू छन् । त्यस्ता उपायहरूबारे अब छलफल गरौं ।

भविष्यमा आईपर्न सक्ने स्वास्थ्य समस्याहरूको उपचार गर्न उत्पन्न हुने अभावदेखि डराउँदै हुनुहुन्छ भने, अहिले नै केही उपाय सिक्न जरुरी छ । ती मध्ये एक प्रमुख उपाय तपाईंलाई एनआईसी एशिया बैंकले सिकाइरहेको छ । एनआईसी एशिया बैंकको बचतसँगै बीमा सम्बन्धी नयाँ योजना तपाईंले थाहा पाउनुभयो भने भविष्यको भवितव्यमा सामना गर्न निकै सहज हुने बैंकले जनाएको छ । बैंकले २०७५ चैत्र २० देखि खातावालालाई बचतसँगै बीमा सुविधा उपलब्ध गराउने उद्देश्यअनुरुप हालसम्म देशभरका १४६७ जना भन्दा बढी ग्राहकहरूलाई बीमा वापत रू. ६ करोड १३ लाख भन्दा बढी रकम सहज रुपमा भुक्तानी गरिसकेको छ । बैंकको यस उपलब्धिले पनि सयौं ग्राहकलाई प्रतिफल प्राप्त भएको उजागर भएको हो ।

एनआईसी एशिया बैंकले ल्याएको ‘सर्वश्रेष्ठ बचत खाता’ ले त्यस्तो सुविधा दिएको छ कि, जस अन्तर्गत खातावालाले ८४ लाख रुपैयाँसम्मको ३ वटा बीमा फाइदा प्राप्त गर्न सक्दछन् । यस सीमाको बीमा खातावाला एवं निजले मनोनित गर्ने अन्य ३ जना परिवारका सदस्य वा अन्य व्यक्तिहरूको समेत खातावाला बराबर नै अर्थात् प्रतिव्यक्ति रू.२१ लाखसम्मको ३ प्रकारका बीमा सुरक्षण गरिएको छ । जस्तै शारीरिक अशक्तता भयो वा मृत्यु भयो भने रू. १० लाखको दुर्घटना बीमा, विभिन्न १८ वटा घातक रोग लाग्यो भने त्यसको उपचारका लागि रू.१० लाखको घातक रोग बीमा र मेडिकल जाँच वापत (ओपिडी र बहिरंग) रू. १ लाखसम्मको मेडिकल बीमा गरी कुल रू.२१ लाख सम्मको बीमा फाइदा रहेका छन् ।

सर्वश्रेष्ठ बचत खाताको गुडविल श्रेणी अन्तर्गत खातावाला एवं निजले मनोनित गर्ने व्यक्तिहरूलाई प्राप्त हुने उपरोक्त बीमा सुरक्षण खाता खोलेको ५ वर्षको अवधिसम्म उपलब्ध हुनेछ । त्यो पनि बिना कुनै अतिरिक्त बीमा प्रिमियम तिरेर । यसका लागि खातावालाले एनआईसी एशिया बैंकको सर्वश्रेष्ठ बचत योजनाको गुडविल एम्बेसडर खाता खोल्नुपर्ने हुन्छ । जुन खाता न्यूनतम रू. १ लाख मौज्दात राखेकै भरमा भरपुर फाइदा प्राप्त हुन्छ ।

तपाईंले मनोनित गरेका तीन व्यक्तिहरूको हकमा भने उनीहरूले फाइदा लिनका लागि एनआईसी एशियामा शुन्य मौज्दातको खाता खोल्नुपर्ने व्यवस्था छ । यदि तपाईंले मनोनयन गरेका व्यक्तिको बचत खाता एनआईसी एशिया बैंकमा पहिले नै छ भने उनीहरूले नयाँ खातामा स्किम ट्रान्सफर गरेर बीमा फाइदा लिन सक्छन् । खातावालाले यस बचत खातामार्फत रू. ८४ लाखसम्मका ३ बीमा सम्बन्धी सर्वश्रेष्ठ फाइदाहरूको अलावा सर्वाधिक उच्च ब्याजदर, ३ कर्जा सम्बन्धी सर्वश्रेष्ठ फाइदाहरू र १८ अन्य अतुलनीय सर्वश्रेष्ठ फाइदाहरू गरी कुल २४ सर्वश्रेष्ठ फाइदाहरू प्राप्त गर्न सक्नेछन् ।

के हो सर्वश्रेष्ठ बचत खाता ?

एनआईसी एशिया बैंकको सर्वश्रेष्ठ बचतखाता योजनालाई नेपालको बैंकिङ क्षेत्रमै पहिलो र सर्वश्रेष्ठ फाइदासहितको बचत खाताको रुपमा पनि लिइन्छ । जुन खातामा बचत गर्दा तपाईंले बीमाबाट पाउने फाइदा पूरा पाइनेछ । त्यसो त, तपाईंको पैसा पनि बढिरहने भयो । यस अन्तर्गत विशेषगरी तीन श्रेणी छन् ।

गुडविल एम्बेसडर, प्राइड र पार्टनर

गुडविल एम्बेसडर बचत खातामार्फत तपाईंले सर्वाधिक उच्च ब्याजदरसहित ८४ लाखसम्मको बीमा सम्बन्धी फाइदा पाइनेछ । गुडविल एम्बेसडर श्रेणीका खातावालहरू बैंकका पनि एम्बेसडर सरह हुन् । अर्थात् बैंकले उनीहरूलाई उत्कृष्ट ग्राहकको रुपमा लिएको छ । यस खाताका लागि बैंकमा १ लाख मौज्दात हुनुपर्छ । यस्तै प्राइड श्रेणीको खाताका लागि ५० हजार मौज्दात हुनु जरुरी छ । त्यस्तै पार्टनर श्रेणीको खाताका लागि भने २५ हजार मौज्दात आवश्यक पर्छ । यी तीन श्रेणीबाट तपाईंले पाउने फाइदा फरक भए पनि ब्याजदर भने बराबर नै हुन्छ ।

यसरी हेर्दा यदि तपाईं एनआईसी एशिया बैंकको ‘गुडविल एम्बेसडर’ बन्नुभयो भने तपाईंले बैंकबाट मात्रै २४ वटा सर्वश्रेष्ठ फाइदा पाउनु हुनेछ । कुनै पनि बैंकले बीमा, ब्याजदर र कर्जासम्बन्धी दिने फाइदाको तुलनामा एनआईसी एशिया बैंकले दिने यी फाइदा सर्वश्रेष्ठ भएकैले यी फाइदालाई सर्वश्रेष्ठ र अतुलनीय फाइदा भनिएको हो ।

यस्तै विभिन्न उमेर समूह तथा लैंगिक र अन्य समूहका आधारमा बैंकबाट फरक फरक कस्टमर सेग्मेन्ट पनि पाउन सकिन्छ । जस्तै सर्वश्रेष्ठ बचत खाता, सर्वश्रेष्ठ मुद्दति बचत खाता, सर्वश्रेष्ठ जेष्ठ नागरिक बचत खाता, सर्वश्रेष्ठ नारी बचत खाता लगायत छन् । यस्तै २४ फाइदामध्ये सर्वश्रेष्ठ बचतकर्ताले ३ वटा कर्जा सम्बन्धी सर्वश्रेष्ठ फाइदा प्राप्त गर्नुका साथै कर्जामा सहुलियत ब्याजदर, प्रशासनिक शुल्कमा विशेष छुट पूर्वस्वीकृत कर्जा फाइदा पनि पाउने छन् ।

बेसरेटमा थप १ प्रतिशतमै १० गुणाभन्दा बढी कर्जा फाइदा

यदि तपाईं एनआईसी एशिया बैंकको ‘गुडविल एम्बेसडर’ बचतकर्ता हो भने तपाईंका लागि अर्को महत्वपूर्ण फाइदा पनि छ, त्यो के भने तपाईंले १ करोडसम्मको पूर्वस्वीकृत कर्जा लिन सक्नुहुन्छ । पूर्वस्वीकृत कर्जाको फाइदा भन्नाले यदि तपाईंले खाता खोलेर तीन महिनाको लागि १० लाख रुपैयाँ औसत मौज्दात खातामा राख्नुभयो भने बैंकबाट तपाईंका लागि यस्तो फाइदा दिएको हो ।

गुडविल एम्बेसडर बचतकर्ताले पाउने यो एउटा विशेष र आकर्षक फाइदा हो । साथै यो कर्जा पाउँदै गर्दा तीन महिनाको औसत मौज्दातको १० गुणा बढी वा कर्जामा बेस रेटमा थप १ प्रतिशत ब्याजदर कायम गरी मात्र ०.२५ प्रतिशत प्रशासनिक शूल्क तिर्नुपर्ने हुन्छ । जुन कर्जाका लागि कुनै पनि बैंकलाई तिर्ने ज्यादै न्यूनतम प्रशासनिक शुल्क हो । अन्य बैंकको तुलनामा यो ब्याजदर नितान्त सस्तो पनि हो ।

५ वर्षसम्म निःशुल्क विविध बैंकिङ सेवाहरू

सर्वश्रेष्ठ खातावालको रुपमा तपाईंले पाउने अर्को प्रमुख फाइदा पाँच वर्षसम्म तपाईंले एन आई सी एशिया बैंकका सम्पूर्ण डिजिटल सेवाहरूको निशुल्न उपयोग गर्न पाउनुहुन्छ । एटीएम कार्ड, डेबिट कार्ड, क्रेडिट कार्ड मात्रै नभएर तपाईंले पाँच–पाँच वर्षसम्म तपाईंले मोबाइल बैंकिङ, डिम्याट खाता, प्रिपेड डलर खाता, मेरो शेयर खाता, इ कमर्स नवीकरण, चेक क्लियरिङ, लकर सेवा, इन्टरनेट बैंकिङ लगायत डिजिटल सेवाहरू निःशुल्क प्रयोग गर्न पाउनुहुन्छ ।

जबकी अन्य बैंकसँग तुलना गरेर हेर्नुभयो भने एटीएम, डेबिट कार्ड र क्रेडिट कार्ड एक वर्षका लागि मात्रै पाइन्छ । जुन सेवालाई एन आई सी एशिया बैंकले सेवा विस्तार गर्दै आफ्ना ग्राहकलाई पाँच वर्षसम्म निःशुल्क दिएको छ । यस्तै बचतकर्ताको मनोनयनमा परेका अरु तीन ग्राहकले पनि यस्ता फाइदा निःशुल्क रुपमा प्रयोग गर्न पाउँछन् । उक्त बचत खाता खोल्दा पाइने सबै २४ वटै फाइदाको हिसाब गर्ने हो भने गुडविल एम्बेसडर खातावालले न्यूनतम ११ लाख रुपैयाँभन्दा धेरै फाइदा पाउनेछ ।

स्वीप इन स्वीप आउट सुविधा

यस फाइदा अन्तर्गत बचतकर्ताको खातामा यदि २ लाखभन्दा धेरै रकम भएको खण्डमा उक्त रकमलाई १० हजारले गुणा गर्दै बैंकले ३ महिनाको मुद्दती निक्षेपमा रकमान्तर गर्नेछ । साथै उक्त रकममा मुद्दती खाता सरह वार्षिक उच्चतम ब्याजदर तपाईंले प्राप्त गर्नुहुनेछ । बैंकको यस्तो योजनाले मेहनतबाट कमाइ गरी बचत गरिएको पैसा सुरक्षित मात्रै नभएर त्यसबाट उच्चतम लाभ वा फाइदा पनि तपाईंले पाउनु हुनेछ ।

र एनआईसीको यही सेवा नै स्विप इन स्वप आउट सुविधा हो । यसरी पाइने ब्याजको फाइदा बचत खातामा तपाईंले पाउने ब्याज भन्दा थप ४३ प्रतिशत बढी ब्याज पाउन सक्नुहुन्छ । साथै मुद्दती निक्षेपमा स्वीप इन रकम सजिलै झिक्न पनि पाइन्छ । तर यदि तीन महिना अघि नै रकम झिकेको अवस्थामा उक्त रकममा बचत खाताकै ब्याजदर पाइन्छ ।