लाइसेन्सकाे परीक्षा खुल्ला चौरमा

२८ साउन, जलेश्वर । महोत्तरीको जलेश्वरमा आज बिहान भएको निम्नमाध्यमिक विद्यालयको अनुमति पत्र ‘लाइसेन्स’ को परीक्षा दिनका लागि विभिन्न जिल्लाबाट महोत्तरीको सदरमुकाम जलेश्वरमा आएका सयौँ विद्यार्थीहरु बास नपाउँदा खुल्ला चौरमा बस्न बाध्य भएका छन् ।

मधेस प्रदेशको विभिन्न जिल्लाबाट शुक्रबार जलेश्वरमा आएका परीक्षार्थीहरुले जलेश्वरमा पर्याप्त होटल, लाज, धर्मशाला तथा अन्य बासस्थानको सुविधा नभएका कारण खुल्ला चौरमा बसेर रात बिताउनु परेको गुनासो गरे ।

जलेश्वर रङ्गशालाको खुल्ला चौर, मनिपाल कलेजको खुल्ला चौर, महादेव मन्दिरको खुल्ला मैदानलगायत स्थानमा आफूहरुले रात बिताएको उनीहरुले बताए ।

बासस्थान नपाएका केही विद्यार्थीहरुलाई नगर प्रमुख सुरेश साह सोनारको पहलमा कबर्ड हल, पगला बाबा धर्मशालालगायतकामा बासको व्यवस्था मिलाइए पनि हजारौँको सङ्ख्यामा आएका परीक्षार्थी तथा तिनका अभिभावकका लागि बासस्थानको अभाव रहेको थियो ।