नेयमार र एम्बाप्पेको गोलमा पीएसजीको दोस्रो जित

२९ साउन, एजेन्सी । स्टार खेलाडी नेयमार र केलियन एम्बाप्पेको गोलमा पेरिस सेन्ड जर्मेन पीएसजीले प फ्रेन्च लिग वानमा लगातार दोस्रो जित निकालेको छ।

शनिबार राति घरेलु मैदानमा पीएसजीले मोन्टपिलोयरलाई ५ , २ अन्तरले पराजित गर्यो । पीएसजीको जितमा नेयमारले दुई तथा एम्बाप्पेले सहित रिनाटो सान्चेजले एक-क गोल गर्दा फालाए साक्नोले आत्माघाती गोल गरे ।

यस्तै भ्रमणकारी टोलीका लागि वाहबी खाज्री र यन्जोले सान्त्वना गोल गरे । पीएसजीको जितमा लियोनल मेस्सीभने गोल बिहिन रहे ।

जितसँगै दुई खेलबाट ६ अंक बनाएको पीएसजी शीर्ष स्थानमा छ । दोस्रो स्थानको लिलको ४ अंक छ । यस्तै पराजित मोन्ट ४ अंक सहित आठौं स्थानमा छ ।