म नातावाद र कृपावादबाट टाढा छुः ओली

२९ साउन काठमाडौं । नेकपा एमालेका अध्यक्ष केपी शर्मा ओलीले आफु नादावाद र कृपावादबाट टाढा रहेको बताएका छन । आइतबार काठमाडौंमा आयोजित राष्ट्रिय युवा सम्मेलनलाई सम्बोधन गर्दै अध्यक्ष ओलीले आफुसँग उपचार गर्ने पैसा समेत नभएको बताएका हुन ।

आफ्नो र श्रीमतीको नाममा रहेको घर र जग्गा सरकारको नाममा गरिदिएको बताउँदै उनले उपचारका लागि आवश्यक परेमा त्यसलाई बेच्न नसक्ने बताए। साथै ‘तपाईंहरुले उपचार गरिदिनु भयो भने हुन्छ। मैले मेरो घरजग्गा बेच्न पनि पाउँदैन । किनभने दान गरिसकेको छु।’

आफ्नो सबै सम्पत्ति राज्यको भइसकेको बताउँदै ओलीले अन्य शीर्ष नेताहरुलाई पनि सम्पत्ति राज्यको नाममा गराउन चुनौती दिँदै आएका छन् ।ओलीले माओवादी अध्यक्ष पुष्पकमल दाहाल ‘प्रचण्ड’लाई लक्षित गर्दै छोरी, बुहारी र ज्वाइँलाई पार्टीका शीर्ष तहमा ल्याउने पार्टी एमाले नभएको उल्लेख गरे। साथै ओलीले आफनो भाई हलो जोतेर जीविका चलाएर बसेको जानकारी समेत गराए ।