फिलिपिन्समा पनि बढ्यो काेराना संक्रमण, एकै दिन ४८ को मृत्यु

२९ साउन, एजेन्सी ।  फिलिपिन्समा पनि पछिल्लो समयमा काेराेनाको संक्रमण बढेको छ । सो संक्रमणमा परेर शनिबार मात्र कम्तीमा पनि ४८ जनाको ज्यान गएको फिलिपिन्सका स्वास्थ्य अधिकारीहरुले जानकारी दिएका छन् ।

उनका अनुसार यहाँ शनिबार मात्र चार हजार छ सय ७९ जनामा कोरोनाको संक्रमण देखिएको छ । यो समेत गरी यहाँ अहिलेसम्म ३८ लाख २७ हजार भन्दा बढीमा यो संक्रमण देखिएको छ ।

यहाँको स्वास्थ्य विभागले पछिल्लो पटक सक्रिय संक्रमितहरुको संख्या पनि बढेको अर्थात ४० हजार भन्दा बढीमा सक्रिय संक्रमित रहेका जनाएको छ ।

गत जनवरी १५ मा ३९ हजार चार जनामा कोभिडको संक्रमण देखिएको थियो । एकै दिनमा भएको कोरोना संक्रमण सबैभन्दा धेरै संख्या हो । फिलिपिन्समा कोरोना शुरुभएबाट हालसम्म यस संक्रमणबाट ६० हजार नौ सय ९२ जनाको मृत्यु भ्एको छ ।

यसैबीच मलेसियामा शनिबार रातिसम्म थप चार हजार तीन सय ३४ जनामा कोरोना भाइरसको सङ्क्रमण देखिएको छ । संक्रमणको कारण १० जनाको मृत्यु भएको छ ।

कोरोना भाइरसको संक्रमण सुरु भएदेखि अहिलेसम्म कम्तीमा पनि ३६ हजार जनाको निधन भएको छ । त्यसैगरी सो यहाँ अहिलेसम्म ४७ लाख ३२ हजार भन्दा बढीमा सो संक्रमण पाइएको स्वास्थ्य मन्त्रालयले जनाएको छ ।

हाल यहाँ ४४ हजार छ सय १७ जना सक्रिय संक्रमित रहेका छन् । ती मध्ये ६८ जनाको सघन उपचार केन्द्रमाा उपचार भइरहेको समाचारमा जनाइएको छ ।

पछिल्लो समय भेटिएका यी संक्रमितहरू प्रायः सबैजसो देशभित्रैका रहेका बताइएको छ । मलेसियाली सरकारले कोरोनाविरुद्धको खोपलाई प्राथमिकतामा राखेर लगाउने गरेकाले यहाँका संक्रमतिहरुमा मृत्युदर भने निकै कम रहेको पनि बताइएको छ ।

यसैबीच पाकिस्तानमा शनिबार पाँच सय ८१ जना नयाँ कोरोना संक्रमित थपिएका र चार जनाको मृत्यु भएको स्वास्थ्य मन्त्रालयले आइतबार जनाएको छ ।

मन्त्रालयले जारी गरेको तथ्यांकअनुसार नयाँ संक्रमणसँगै देशभर कुल सङ्क्रमितको संख्या १५ लाख ६२ हजार आठ सय ८८ पुगेको छ ।
पाकिस्तानमा कोरोना शुरुभएबाट हालसम्म संक्रमणबाट ३० हजार पाँच सय २७ जनाको मृत्यु भएको छ । हाल यहाँ एक सय ७८ जना विरामीको अवस्था गम्भीर रहेको जनाइएको छ ।