पछिल्लो २४ घण्टामा ४५५ जनामा कोरोना पुष्टि

२९ साउन, काठमाडौं । नेपालमा पछिल्लो २४ घण्टामा ४५५ नयाँ कोरोना संक्रमित भेटिएका छन् । स्वास्थ्य मन्त्रालयले दिएको विवरण अनुसार पीसीआरबाट ३०५ र एन्टिजेन परीक्षणबाट १५० जनामा कोरोना पुष्टि भएको हो ।

२४ घण्टामा २३०८ पीसीआर र २५२१ एन्टिजेन गरी ४८२९ कोरोना परीक्षण भएको मन्त्रालयले जानकारी दिएको छ ।३०२ जना कोरोनामुक्त भएका छन् ।  २४ घण्टामा कोरोनाबाट २ जनाको ज्यान गएको छ । सक्रिय संक्रमितको संख्या ५४३५ पुगेको छ ।