सनराइज बैंकद्वारा नवलपरासीको किर्तिपुरमा चौतारी निर्माण

२९ साउन, काठमाडौं । सामाजिक उत्तरदायित्व अन्तर्गत विभिन्न कामहरु गर्दै आएको सनराइज बैंकले सुनवलको वडा नं ०३ स्थित किर्तिपुर–०२ नं मा चौतारीको निर्माण गरेको छ । गत साउन २६ गते उक्त चौतारीको उद्घाटन गरिएको हो ।

उक्त कार्यक्रममा प्रमुख अथिति सुनवल नगरपालिका प्रमुख विमला अर्याल, सभा अध्यक्ष पुमसरी गुरुङ्ग, विशिष्ठ अतिथिमा सनराइज बैंकका नायव महा–प्रबन्धक अपछकुमार यादव र सुनवल वडा नं ०३ का वडा अध्यक्ष पविन गुरुङ्ग तथा अन्य विभिन्न पदाधिकारी, समाजसेवी तथा स्थानियबासीहरुको उपस्थिति रहेको थियो ।

स्थानीयहरु विश्राम गर्ने, समाजका विभिन्न छलफल, भेला तथा कार्यक्रमहरु हुने उक्त चौतारीको निर्माणले समाजमा अतुलनिय योगदान पुर्याएको नगर प्रमुख अर्यालले बताइन् । संस्थागत सामाजिक उत्तरदायित्व अन्तर्गत विभिन्न कार्यहरु देशका विभिन्न ठाउँहरुमा गरिरहेको बैंकले गाउँ ठाउँको भौतिक संरचना निर्माण गरी समाजलाई सहयोग गर्न पाएकोमा बैंकका नायब महा–प्रबन्धक यादवले खुशी व्यक्त गरे।

बैंकले हरेक वर्ष आफ्नो नाफाको १% संथागत सामाजिक उत्तरदायित्वमा खर्च गर्दै आएको छ र गत वर्ष मात्र पनि १५० भन्दा बढी कार्यक्रमहरु गरेको बैंकले जनाएको छ ।