कैलालीको चिसापानीबाट खैरो हेरोईन सहित दुई महिला पक्राउ

२९ साउन,कैलाली । कैलालीको लम्कीचुहा नगरपालिका–३ चिसापानीबाट करिब ४ सय मिलिग्राम अवैध लागूऔषध खैरो हेरोईन सहित दुई महिलालाई प्रहरीले पक्राउ गरेको छ ।

पक्राउ पर्नेमा, सोही ठाउँ बस्ने सेती महाकाली होटलकी संचालक ५० वर्षीया बिमला केसी र २८ वर्षीया दिपा बिष्ट रहेकी छिन ।ईलाका प्रहरी कार्यालय चिसापानीबाट खटिएको प्रहरीले जाँच गर्ने क्रममा बिमलालाई उक्त पदार्थ सहित फेला पारी पक्राउ गरेको हो ।

साथै आवश्यक अनुसन्धान एवं सोधपुछको क्रममा उक्त लागूऔषध दिपा बिष्ट साउद ले बिक्री गर्न दिएको भन्ने खुल्न आएपछि उनलाई समेत नियन्त्रणमा लिएको प्रहरीले जनाएको छ ।यस सम्बन्धमा प्रहरीले थप अनुसन्धान गरिरहेको छ ।