पोखराका पूर्वमेयर जिसी अस्वस्थ, फेवा सिटी हस्पिटलमा भर्ना

३१ साउन, पोखरा । छातीमा अकसमात् समस्या आएपछि पोखरा महानगरपालिकाका पूर्वमेयर मानबहादुर जिसी फेवा सिटी हस्पिटलमा भर्ना भएका छन् ।

सोमबार बेलुका छाती दुखेर फेवा सिटी हस्पिटलमा पुगेका उनको आईसीयू कक्षमा उपचार भइरहेको छ । अस्पताल भर्ना भएका जिसीलाई मेयर धनराज आचार्यले भेटेर स्वास्थ्य अवस्थाबारे जानकारी लिएका छन् ।

उपचारमा संलग्न डाक्टरहरूले जिसीको अवस्था सामान्य रहेको जानकारी गराएका छन् । पूर्वमेयर यसअघि पनि अस्वस्थ भएका थिए ।