सल्यानमा तीनजनामाथि एसिड प्रहार

३१ साउन सल्यान । सल्यानमा तीनजनामाथि एसिड प्रहार गरिएको छ । एसिड प्रहार गरेको आरोपमा प्रहरीले दार्मा गाउँपालिका–३, चम्फुटाकुरा बस्ने ५० वर्षीय बेचे रावतलाई पक्राउ गरेको छ ।

प्रहरीका अनुसार सोही ठाउँस्थित आफ्नै पसलमा बसिरहेका उनकै भाइसहित तीनजनामाथि उनले एसिड प्रहार गरेका हुन् ।रावतले मादकपदार्थ सेवन गरी लेनदेनको विषयलाई लिएर एसिड प्रहार गरेको खुलेको छ ।

इलाका प्रहरी कार्यालय दार्माबाट खटिएको टोलीले उनलाई २२ लिटर एसिडसहित पक्राउ गरेको जनाइएको छ ।तीनैजना घाइतेहरूलाई उपचारका लागि नेपालन्ज पठाइएको प्रहरीले जनाएको छ ।