सनराइज बैंकद्धारा प्रतिघण्टा एकसय लिटर पानी फिल्टर गर्नसक्ने उपकरण बिद्यालयलाई हस्तान्तरण

३१ साउन, काठमाडौं । बुटवल उप–महानगरपालिका वडा नम्बर ४ मा रहेको लक्ष्मी माध्यमिक विद्यालयमा करिब ३०० बिद्यार्थीहरु पढ्छन् र त्यहाँ पढ्ने प्रायः बिद्यार्थीको परिवार आर्थिक रुपले निम्न वर्गका छन् ।

विद्यालयमा शुद्ध पिउने पानीको व्यवस्था नरहेको अवस्थामा सनराइज बैंकले उक्त विद्यालयमा ३०० बिद्यार्थीहरुलाई पुग्ने गरी प्रतिघण्टा १०० लिटर पानी फिल्टर गर्न सक्ने क्षमताको RO Filter Plant जडान गरेको छ । गत साउन २६ बिहिबार विद्यालयमा भएको एक कार्यक्रममा सो RO Filter Plant को उद्घाटन गरिएको थियो ।

हस्तान्तरण कार्यक्रममा सनराइज बैंकका नायब महाप्रबन्धक अपछ कुमार यादव, बुटवल उप–महानगरपालिका वडा नम्बर ४ का वडा अध्यक्ष नरिश्वर पौडेल, विद्यालय व्यवस्थापन समितिका पूर्व अध्यक्ष तथा सल्लाहकार परमानन्द भट्टराई, विद्यालयकी प्र.अ. श्रीमती शान्ति शर्मा र विद्यालय व्यवस्थापन समितिका अध्यक्ष बाबुराम ढकालको उपस्थिति रहेको थियो ।

उक्त सामाजिक कार्यले बिद्यार्थीहरुलाई विद्यालयमा शुद्ध पिउने पानी पिउन र स्वस्थ रुपमा पठनपाठन गर्न मद्दत पुर्याउने विद्यालयकी प्र.अ. श्रीमती शान्ती शर्माले बताइन् । बैंकले सामाजिक उत्तरदायित्व अन्तर्गत शिक्षा, स्वास्थ्य, वातावरणका क्षेत्रमा सहयोग गरिएको र आगामी दिनमा पनि सहयोग गदै जाने बताएको छ ।