मेरो २० अर्ब सम्पति कहाँ छ ? पत्ता लगाउनेलाई शतप्रतिशत दिन्छु : ओली

१ भदौ, काठमाडौं । नेकपा एमालेका अध्यक्ष केपी ओलीले २० अर्व सम्पत्ती भए पत्ता लगाएछि उसैलाई दिने बताएका छन । भ्रम छर्न यस्ता खालका गतिविधिको कुनै तथ्य नभएको बताउदै ओलीले आफूसँग भएको सम्पत्ति समेत दान गरेको दावी गर्दै आफ्नो २० अर्ब सम्पत्ति छ भनेर भ्रम फैलाउन खोजेको बताएका छन् ।

बुधबार काठमाडौंमा भएको एक कार्यक्रममा सम्बोधन गर्दै उनले कुनै व्यक्तिले टेलिभिजन अन्तर्वार्ताका क्रममा आफूसँग २० अर्ब रुपैयाँ रहेको र त्यो रिजर्भ बैंकमा रहेको दावी गरेको उल्लेख गर्दै सो पैसा जसले पत्ता लगाउँछ उसैलाई सबै दिने उल्लेख गरे । अबको चुनावमा केपी ओलीले २० अरब कि खरब खर्च गर्ने आरोप लगाएको उल्लेख गर्दै आफूले सम्पत्ति दान गरिसकेको बताए ।

अध्यक्ष ओलीले भने– ‘२ खरब छ रे केपी ओलीसँग, २ खरब त हैन २० देखि ४० अरब छ केपी ओलीसँग । कहाँ छ भन्दा रिजर्भ बैंकमा छ । उसले भनेको । सम्पत्ति पत्ता लगाइदियो भने ९९ प्रतिशत हैन, शत प्रतिशत म उसकै नाममा गरिदिन्छु ।

२० अरबको मालिक त एकैपटक हुन पाउने भयो नि । त्यै काम गरे भइहाल्यो नि, दुनियाँ लफडा किन गरिरहने, २० अरब त एक पटक मै पाउने भयो नी । आफु संग भएको सम्पत्ती सवै सरकारको नाममा गरिदिएको  बताउदै ओलीले आफुसंग उपचार गराउने पैसा समेत नभएको बताउदै २० अर्व सम्पत्ती कहा छ पत्ता लगाउनुहोस म उसैलाई सवै सम्पत्ती दिन्छु ।