क्रिमियामा रुसी सेनालाई लक्षित गरी ड्रोन आक्रमण

भदौ ५, काठमाडौँ । क्रिमियामा रहेका रुसी सैन्य बललाई लक्षित गरी ड्रोन आक्रमण गरिएको छ । रुसले नियुक्त गरेको क्षेत्रीय नेताका अनुसार शनिबार मात्रै सेभास्टोपोल शहर किनाराको ‘ब्ल्याक सी’मा गरिएको ड्रोन आक्रमणलाई निस्तेज पारिएको छ ।
उक्त आक्रमण महिनाको सुरुवातदेखि नै सुरु भएको ड्रोन आक्रमण श्रृखंलाकै कडी रहेको बताइएको छ । रुसले नियुक्त गरेको गर्भनर मिखाइल रज्भोझेभले आक्रमणको भिडियो सार्वजनिक गर्दै यूक्रेनी ड्रोन आक्रमणलाई निस्तेज पारिएको बताएका छन् । उक्त ड्रोनलाई रुसी हवाई प्रतिरक्षा प्रणालीले ध्वस्त पार्दा एक घरको छतमाथि खसेको रज्भोझेभले बताएका छन् । यद्दपि उक्त आक्रमणबाट कुनै मानवीय क्षति नभएको बीबीसीले उल्लेख गरेको छ ।