पोर्चुगलमा तापक्रम वृद्धि, सचेत रहन निर्देशन

६ भदाै, एजेन्सी । पोर्चुगलमा तापक्रम वृद्धि भइरहँदा सतर्क रहन सचेत गराइएको छ । आगामी दिनमा पोर्चुगलको तापक्रम ३८ डिग्री सेल्सियससम्म पुग्ने अनुमान गरिएको छ ।

सरकारी अधिकारीहरुले तापक्रम वृद्धि हुँदा वन क्षेत्रमा डँढेलो लागेर वन्यजन्तु जोखिममा पर्ने हुनाले वन क्षेत्र वरिपरि आगो नबाल्न निर्देशन दिएका छन् । तापक्रम वृद्धि हुनुका साथै हावाको तीब्र बहावले डँढेलो फैल्न सकिने अनुमान गरिएको छ ।

बीबीसीका अनुसार वन क्षेत्रमा सर्वसाधारणको पहुँचमा प्रतिबन्ध लगाइएका छन् । आइतबार मध्यरातिदेखि लागू हुनेगरी यसप्रकारको निर्देशन जारी गरिएको छ ।

यसवर्ष करिब ९२ हजार हेक्टर क्षेत्रफल डँढेलोको प्रकोपमा परेको छ । सेर्रा डे इस्ट्रेला क्षेत्रको करिब २८ हजार हेक्टर क्षेत्रफल आगलग्गिको प्रकोपमा परेका छन् । जुन उक्त क्षेत्रको २५ प्रतिशत हो ।