मरेको व्यक्तिलाई जिउँदो बनाएँ भन्दै हल्ला गर्ने पास्टर पक्राउ

६ भदौ , काठमाडौं । मृत व्यक्तिलाई जिउँदो बनाएको भन्दै भ्रम फैलाउने एकजनालाई प्रहरीले बुटवलबाट पक्राउ गरेको छ ।

कञ्चपुरका ३५ वर्षीय राजेन्द्र गोतामेलाई प्रहरीले नियन्त्रणमा लिएको जनाएको छ । गोतामे, बुटवल १२, बुद्धनगरस्थित होली क्यालभरी चर्चका पास्टर हुन् । उनले मृत्यु भएको व्यक्तिलाई जीवित गराएको भन्दै भिडियो भाइरल गराइएको थियो ।

उनको भिडियो सामाजिक सञ्जालमा भाइरल भएपछि प्रहरीले अनुसन्धान थालेको हो । जानकारी अनुसार आरोपित गोतामेलाई जिल्ला प्रहरी कार्यालय रुपन्देहीमा पठाइएको छ ।

सोमबार बिहान ९ बजे चर्चमा गई उनलाई पक्राउ गरिएको हो । सो भिडियो अहिलेको नभएको भन्दै आवश्यक अनुसन्धान थालेको प्रहरीले जानकारी दिएको छ ।