अन्तर्घात गर्नेलाई गोर्खे लौरी लगाउने छौं : प्रचण्ड

६ भदौ, काठमाडाैं  । नेकपा माओवादी केन्द्रका अध्यक्ष पुष्पकमल दाहाल ‘प्रचण्डले स्थानिय निर्वाचनमा अन्तर्घात गर्नेहरुलाई कार्वाहि गर्ने बताएका छन । पार्टीमा राम्रो काम गर्नेलाई प्रोत्साहन र नराम्रो काम गर्नेलाई दण्डित गर्नुपर्ने प्रचण्डको भनाई छ ।

स्थानीय चुनावमा अन्तर्घात गर्ने नेताहरूको छानबिन गर्न गठित टंक राई नेतृत्वको समितिको प्रतिवेदन सोमबार बुझ्दै प्रचण्डले पार्टीलाई अनुशासनमा चलाउनका लागि समिति गठन गरेर अन्तर्घातको छानबिन गरिएको बताए ।

राम्रो काम गर्नेलाई प्रोत्साहित र नराम्रो गर्नेलाई दण्डित नगर्ने हो भने पार्टी कम्युनिस्ट पार्टीजस्तो नरहने उनले बताए ।राम्रो गर्नेलाई प्रोत्साहित गर्ने र नराम्रो गर्ने, अनुशासन तोड्ने र अराजकतातिर जानेहरूलाई दण्डित गर्नेलगायतका प्रक्रिया अगाडि नबढाउने हो भने कम्युनिस्ट पार्टी कम्युनिस्ट पार्टीजस्तो रहँदैन,’ उनले भने, ‘हाम्रो उद्देश्य पार्टी निर्माण प्रक्रियालाई व्यवस्थित पार्नेसँग सम्बन्धित छ ।

छानबिन समितिले विभिन्न नेता कार्यकर्तालाई निलम्बन, निष्कासन र चेतावनी दिनुपर्ने निष्कर्ष निकालेको भन्दै प्रतिवेदनको सम्बन्धमा पार्टीको पदाधिकारी र स्थायी कमिटी बैठकमा छलफल गरेर आवश्यक कारबाही गरिने प्रचण्डले बताए