रुस-युक्रेन युद्धमा नौ हजार युक्रेनी सेना मारिए

६ भदाै, एजेन्सी । रूसले युक्रेनमा आक्रमण गरेदेखि हालसम्म करिब नौ हजार युक्रेनी सैनिकहरू मारिएको बताइएको छ। समाचार संस्था एएफपीका अनुसार गत् फेब्रुअरी महिना यता करिब नौ हजार यूक्रेनी सेना मारिएका छन् । छ महिनादेखि रुस-युक्रेन युद्ध जारी छ।

यूक्रेन युद्धमा मारिने रुसी सेनाको संख्या समेत उल्लेख्य रहेको बताइएको छ । विभिन्न प्रतिवेदनले यूक्रेनमा सात हजारदेखि १५ हजार रुसी सेना मारिएको हुनसक्ने दाबी गर्दै आएको छ । यद्दपि स्वतन्त्र पुष्टि हुन सकेको छैन्। यसैबीच, युरोपेली संघका विदेश नीति प्रमुख जोसेप बोरेलले स्पेनमा पत्रकारहरू बीच युक्रेनका सेनालाई सैन्य प्रशिक्षण दिने विचार गरिरहेको बताएका छन्।

युक्रेनका कमाण्डर(इन(चीफ जनरल भ्यालेरी जालुज्नीले यस विषम परिस्थितिमा बालबालिकाहरूको हेरचाहमा विशेष ध्यान दिनु पर्ने बताएका छन् । थुप्रै बालबालिकाका अभिभावकहरू युद्ध मैदानमा छन् । ती मध्ये कतिपय त मारिका छन् । बालबालिकाको पालनपोषण र शिक्षादीक्षामा गम्भीर समस्या देखिएको छ। जारी युद्धका बीच यही बुधवार युक्रेनले आफ्नो स्वतन्त्रता दिवस मनाउँदैछ।

मस्कोको सेनाले राजधानी कीभ कब्जा गर्ने तयारी गरे पनि असफल भएपछि युक्रेनको पूर्वी भूमि नियन्त्रणमा लिन आफ्नो ध्यान केन्द्रित गरेको छ। छ महिनादेखि जारी रुस(युक्रेन युद्धले ऊर्जा(इन्धन र खाद्यान्नको मूल्य आकासिएको छ र विश्वभर युद्धको झट्का महसुस भइरहेको छ।