शिक्षक, कर्मचारीलाई दलीय आबद्धता त्याग्न काठमाडौं महानगरपालिकाको आग्रह

भदौ ८, काठमाडौं । काठमाडौं महानगरपालिकाले आफू मातहातको कर्मचारीलाई दलीय आबद्धता त्याग्न आग्रह गरेको छ । महानगरपालिकाले एक विज्ञप्ती जारी गरी अन्र्तगतका शिक्षक तथा कर्मचारीलाई दलीय आबद्धता त्याग गरी कानुनको परिपालना गर्न आग्रह गरेको हो ।
महानगरपालिकाका प्रमुख बालेन्द्र शाहले महानगरपालिका अन्र्तगतका शिक्षक तथा कर्मचारीको कुनै दलसँग आबद्धता देखिए सूचित गर्न आग्रह गरेका छन् । उच्च अदालत पाटनले राजनीतिक दल सम्बन्धी ऐन, २०७३ मा व्यवस्था भए बमोजिम नेपाल सरकार, प्रदेश सरकार वा स्थानीय तहको स्वामित्व वा नियन्त्रणमा रहेको बहालवाला प्राध्यापक, शिक्षक वा कर्मचारीलाई कुनै पनि राजनीतिक दलले सदस्यता दिन नहुने व्यवस्था रहेकोमा उक्त आदेशको परिपालना गर्न परमादेश जारी गरेको थियो । उनले अदालतको आदेश परिपालना गर्नु गराउनु काठमाडौं महानगरपालिकाको साथसाथै प्रत्येक राजनीतिक दल, भातृ संस्था वा शुभेच्छुक संस्थाको दायित्व रहेको बताएका छन् ।
उनले काठमाडौं महानगरपालिकाको कार्यक्षेत्रभित्र सुशासन प्रवद्र्धन गर्नका लागि त्यसप्रकारको आबद्धता हुन नहुनेमा जोड दिएका छन् ।