कांग्रेस नेता सिटौलालाई कोरोना पुष्टि

८ भदौ, काठमाडौं । नेपाली कांग्रेसका वरिष्ठ नेता कृष्णप्रसाद सिटौला कोभिड–१९ बाट संक्रमित भएका छन् । वरिष्ठ नेता सिटौलाको स्वास्थ्य अवस्था हाल सामान्य रहेको बताइएको छ ।

स्वास्थ्यमा केही समस्या देखिएपछि मङ्गलबार राति सिटौलाले कोभिड–१९ सङ्क्रमणको परीक्षण गराएका थिए । हयाम्स अस्पतालमा परीक्षण गराउँदा सिटौलाको रिपोर्ट पोजिटिभ आएको छ । उनी हाल आफ्नै निवासमा आइसोलेशनमा छन् । चिकित्सकको परामर्शमा आजै दिउँसो सिटौला अस्पताल भर्ना हुने बताइएको छ ।