दोस्रो टी-ट्वान्टी खेलमा केन्याले नेपाललाई १८ रनले हरायो

१० भदौ, काठमाडौं । केन्याले नेपाललाई १८ रनले हराएको छ । दोस्रो टी ट्वान्टी अन्तर्राष्ट्रिय खेलमा केन्याले नेपाललाई १८ रनले हराउँदै पाँच खेलको श्रृखंलामा १–१ को बराबरीको स्थितिमा ल्याएको छ ।

केन्याले प्रस्तुत गरेको १३३ रनको लक्ष्य पछ्याउँदै नेपालले १९ ओभरमा मात्र ११४ रनमा समेटिन पुग्यो । नेपालका लागि आरिफ शेषले २५, आदिल अन्सारीले २०, रोहित पौडेलले २० तथा पवन सर्राफले १९ रनको योगदान दिएपनि जितका लागि पर्याप्त भएन ।

१ रनमै दुई विकेट गुमाएर नेपालले कमजोर सुरुवात गर्यो । तर ओपनर पवन सर्राफले रोहित पौडेलसँग चौथो विकेटका लागि गरेको ३३ रनको साझेदारी नै नेपाली पारीको सर्वाधिक ठूलो साझेदारी रहन गयो । केन्याका लागि इ बुन्डी, ल ओलौच र भी पटेलले सामान दुई दुई विकेट लिए ।

त्यसअघि, टस हारेर पहिला ब्याटिंग गर्ने निम्ता पाएको घरेलु टोलि केन्याले २० ओभरमा ९ विकेटको क्षतिमा १३२ रनको औसत योगफल तयार गर्यो । केन्याका लागि आर पटेलले सर्वाधिक ३५ तथा आई करिमले २२ र एन ओडिएम्बोले २९ रनको पारी खेले ।
नेपाली बलरहरुमा सन्दीप लामिछाने र दीपेन्द्रसिंह ऐरीले सामान तीन तीन तथा करण केसीले दुई र पवन सर्राफले एक विकेट लिए ।