एनपीएल टी ट्वान्टीका लागि खेलाडी दर्ता सुरु, कसले खेल्न पाउने ?

११ भदौ, काठमाडौं । नेपाल क्रिकेट संघले नेपाल प्रिमियर लिग टी ट्वान्टी कप क्रिकेट प्रतियोगिताका लागि खेलाडी छनौट प्रकृया सुरु गरेको छ । प्रिमियर लिगमा छनौट हुन चाहने खेलाडीले आगामी बुधबारसम्म दर्ता गराइसक्नुपर्ने संघले जनाएको छ ।

नेपाल क्रिकेट संघले खेलाडी छनौटका लागि विभिन्न मापदण्ड तय गरेको छ । मापदण्ड बमोजिम यी खेलाडीले नाम दर्ता गराउन पाउनेछन् ।

१. सन् २०१८ देखिको प्रधानमन्त्री कप, मेयर्स कपमा नियमित खेलेको हुनुपर्ने
२. सन् २०१८ यता नेपालका लागि १९ वर्ष मुनिको टोलिमा खेलेको हुनुपर्ने
३. नेपालका लागि अन्तर्राष्ट्रिय प्रतियोगितामा प्रतिनिधित्व गर्नेलाई प्राथमिकता
४.सन् २०१८ यता फ्रेञ्चाइज लिगमा सहभागी भएकालाई प्राथमिकता
नेपाल क्रिकेट संघले एनपीएलटी२० डट कम वेबसाइटमा खेलाडी दर्ता गर्न पाउने जनाएको छ ।