खाने तेल बोकेको ट्रक त्रिशुली नदी किनारमा खस्याे

१२ भदौ धादिङ्ग । विराटनगरबाट खाने तेल बोकेर काठमाडाैं आउदै गरेको ट्रक धादिङ्गमा दुर्घटनामा परेको छ । पृथ्वी राजमार्गअन्तर्गत धादिङ्गको गजुरी गाउँपालिका ६, जरेखेतमा खानेतेल बोकेको ट्रक दुर्घटनामा परेको हो ।

ना ५ ख ५९५५ नम्बरको ट्रक आज आइतवार बिहान सडकबाट करिब दुई सय मीटर तल त्रिशुली नदी किनारमा पुगेको हो । बिराटनगरबाट खानेतेल बोकेर काठमाडौं आउँदै गरेको ट्रक अचानक आगलागी भई सडकबाट त्रिशुली नदी किनारमा खसेको इलाका प्रहरी कार्यालय गजुरीका डीएसपी भावेश रिमालले बताए ।

ट्रकको अगाडि पट्टि भागमा आगो लागेको छ । पोकामा रहेको तेल पनि नष्ट भएको बताइएको छ । केहि पोका भने यता उता छरिएको थिए ।