चितवनका युवा बाँकेको सिग्नेट होटलमा मृत फेला

१२ भदौ, बाँके । नेपालगन्जको सुर्खेतरोडमा रहेको सिग्नेट होटलमा एकजना युवको मृत्यु भएको छ ।सिग्नेट होटलको रुम नम्बर ५०८ बसेका २ जना मध्ये चितवन भरतपुर नगरपालिका वार्ड न १० का २६ वर्षिय सुवासन्यौपाने मृत्यु भएको जिल्ला प्रहरी कार्यालय बाँकेले जनाएको छ ।

जिल्ला प्रहरी कार्यालय बाँकेका प्रहरी प्रवक्ता एवम डिएसपी रामप्रसाद घर्तीमगरले उक्त घटनाको पुष्टि गर्दै सुतेको बेला एक्कासी बेहोस भएपछि अस्पताल लैजादै गर्दा उनको मृत्यु भएको बताए ।

डीएसपी घर्तीमगरका अनुसार घटना शनिबार राती करिब १२ वजेको हो । प्रहरीका अनुसार मृतक न्यौपाने र राजेन्द्र हिजो नै सुदूरपश्चिमका बैतडी र कञ्चनपुर जिल्ला हुदैँ नेपालगन्ज आइपुगेका थिए ।

साथी राजेन्द्र ढकालसंगै सिग्नेट होटलमा सुतेका न्यौपाने एक्कासी बेहोस भएका थिए ।प्रहरीले घटनाको विषयमा अनुसन्धान भैरहेको जनाएको छ ।