श्रृखंला आफ्नो पक्षमा पार्न नेपाल र केन्याले स्पर्धा गर्दै

१४ भदौ, काठमाडौं । नेपाल र केन्याबीचको पाँचौ तथा अन्तिम टी-२० खेल आज हुँदैछ । यसअघिका चार खेल मध्ये दुवै टोलिले दुई-दुई खेल जितेकोले आजको खेल शृंखलाको निर्णायक हुनेछ ।

आजको खेल जित्ने टोलिले शृंखला जित्नेछ । चौथो खेलमा नेपालसामु शृंखला जित्ने अवसर भए पनि १०२ रनको लक्ष्यसमेत पूरा गर्न नसक्दा ७ रनले पराजित भएको थियो ।

पहिलो र तेस्रो खेल नेपालले जित्दा केन्याले दोस्रो र चौथो खेल जितेको थियो । अन्तर्राष्ट्रिय क्रिकेट काउन्सिल(आईसीसी)ले हालै जारी गरेको टी ट्वान्टीको विश्व वरीयतामा नेपाल एक स्थान तल झरेको छ । १५ औं स्थानमा पुगेको नेपालका लागि वरीयता सुधार्न केन्या विरुद्धको टी ट्वान्टी प्रतियोगिता राम्रो अवसरको रुपमा रहेको थियो ।