सप्तरीमा तीन प्रहरीमाथि आक्रमण, तस्करलाई एसपीकै संरक्षण !

१५ भदौ, राजविराज । केही दिन अघि सप्तरीको बेल्ही नाकाबाट भित्रिएको तस्करीको सामान बरामद गर्न गएको प्रहरी टोलीमाथी आक्रमण गर्दा ३ जना प्रहरी घाइते भएपनि त्यसलाई गुपचुप राखिएको छ । सशस्त्र प्रहरी बलका कर्मचारीहरु कम संख्यामा रहेको र तस्कर समूह धेरै संख्यामा रहेका कारण प्रहरीमाथि आक्रमण भएको थियो । सो आक्रमणमा पनि डिउटीमा खटिएका तीन सशस्त्र प्रहरी कर्मचारी घाइते भएका छन् ।

बेल्ही नाकामा भएको बीओपीसँग मिलेर सशस्त्र प्रहरीका सप्तरीका एसपी रमेशकुमार थापाले डिउटीमा कम जनशक्ति परिचालन गर्दा तस्कर समूहको आक्रमणमा प्रहरी कर्मचारीहरु परेका हुन् । एसपी थापाले अहिले उनीहरुलाई उपचार गर्नुको साटो घट्ना गुपचुप राख्ने प्रयास गरिरहेका छन् । ‘एसपीले बीओपीमा रहेका जनशक्तिलाई आउट छाड्न निर्देशन दिएका छन् त्यही भएर बीओपीले पनि कम जनशक्ति परिचालन गर्ने गरेको छ, जिल्लाभरि नै सशस्त्र प्रहरीका अधिकारीहरु आउट गएका छन्’, स्रोतले भन्यो ।

सप्तरी मात्र होइन अहिले धनुषाका एसपी प्रकाशकुमार सुवेदी, महोत्तरीका एसपी दीपेन्द्र गिरिलगायतका तराईका अधिकांश जिल्लाको धन्दा पनि उस्तै छ । ती जिल्लाका विभिन्न नाकाबाट तस्करी मौलाएको श्रोत बताउँछ ।

पर्साका सबै नाकाहरुमा कडाइ भएपछि अरु जिल्लाका एसपीले आफ्ना घुमुवालाई पर्सामा पनि परिचालन गरेको स्रोतको दावी छ । सबैभन्दा बढी महोत्तरीको सम्सी नाकाबाट तस्करी भइरहेको श्रोतको दाबी छ । त्यहाँ बीओपीका इन्सपेक्टर जयराम बस्नेतले सेटिङ मिलाउने गरेको स्रोतको दावी छ ।

अहिले सो नाका हुँदै भारतबाट तेल , चिनी , लत्ताकपडा , हार्डवयरको सामान आदि तस्करी भइरहेको बताइन्छ । यता जोलजिबी बीओपी दार्चुला परेको काजलाई डवल काज गराएर कमाउधन्दाको लागि सुबर्णपुर पर्सा पुगेका इन्सपेक्टर दीपक नापित समेत कमाउधन्दामा लागेको श्रोतको दावी छ ।

१३ नं. गण पर्साका एसपी तेजप्रसाद पोखरेलको आँखा छलेर उनले तस्करीलाई बढवा दिइरहेको स्रोतको दावी छ । उनी शक्तिकेन्द्रको आडबाट त्यहाँ पुगेका हुन् । त्यहाँ जानमात्रै उनले लाखौ रुपैया खर्च गरेको स्रोतको दावी छ ।