प्रधानमन्त्री देउवा र प्रचण्डबीच बालुवाटारमा छलफल

१९ भदौ, काठमाडौं । प्रधानमन्त्री शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’बीच छलफल भएको छ । दुवैजनाबीच छलफल जारी रहेको बताइएको छ ।

प्रधानमन्त्री निवास बालुवाटारमा प्रधानमन्त्रीसमेत रहेका नेपाली कांग्रेसका सभापति देउवा र माओवादी केन्द्रका अध्यक्ष  ‘प्रचण्ड’बीच बिहान ९ बजे छलफल भएको हो।

सत्ता गठबन्धनबीच आगामी प्रतिनिधिसभा तथा प्रदेश सभा सदस्य निर्वाचनका लागि सिट बाँडफाँट सम्बन्धमा करिब तीन सातादेखि छलफल हुँदै आएको छ । तर सहमति हुन सकेको छैन् ।

सत्ता गठबन्धनका प्रमुख दुई घटक दलका शीर्ष नेताबीच सिट बाँडफाँट सम्बन्धमा छलफल केन्द्रित भएको बताइएको छ । आज अपरान्ह ३ बजे सिट बाँडफाँटबारे कार्यदलमा शीर्ष नेताहरूसहित छलफल देखि छलफल भइरहेको छ । उक्त छलफलअघि देउवा र प्रचण्डबीच छलफल भएको हो।

गठबन्धनमा कांग्रेसले १०० सिट दाबी गरे पनि घट्ने सम्भावना छ। सत्ता गठबन्धनका पाँचै दलले आफूले गरेको दाबीबाट घटेर सिट बाँडफाँट टुंग्याउने तयारी छ। कार्यदलमा जसपाले ३५, एकीकृत समाजवादीले ४० सिट दाबी गरेका थिए।