केन्या विरुद्धको तेस्रो एकदिवसीयमा नेपालले बलिंग गर्दै

२० भदौ, काठमाडौं । नेपाल र केन्याबीचको तेस्रो एकदिवसीय खेल आज हुँदैछ । नेपालले केन्याविरुद्ध बलिङ गर्दैछ । नैरोवीस्थित जिमखाना मैदानमा केन्याले टस जितेपछि नेपालले बलिङ गर्ने निम्तो पाएको हो ।

पहिलो दुई एकदिवसीय खेल जितेर शृंखला आफ्नो पक्षमा पारिसकेको नेपालले आजको खेल जितेर एकदिवसीय श्रृखंला ३ ० ले आफ्नो पक्षमा पार्ने योजनामा छ । नेपाली टिम ब्यवस्थापनले एक खेलाडी परिवर्तन गरेको छ ।

तीव्र बलर करण केसीको स्थानमा किशोर महतोलाई टिममा राखिएको छ । नेपालले पहिलो एक दिवसीयमा ७ विकेट र दोस्रोमा १७ रनको जित निकालेको थियो ।सन्दीप लामिछाने क्यारेवियन प्रिमियर लिग खेल्न गएपछि नेपाली क्रिकेट टोलिको कप्तानी रोहितकुमार पौडेलले गरिरहेका छन् ।