जनप्रतिनिविरुद्ध बलात्कारको मुद्धा दर्ता

♦ दीपक शर्मा

२० भदौ, बर्दिया । स्थानिय तहमा निर्वाचित भएका जन प्रतिनिधिले अहिले १ सय दिनको प्रगति विवरण प्रस्तुत गरिरेका बेला बर्दिया जिल्ला बढैयाताल गाँउपालिका वार्ड न ३ का वडाध्यक्षले भने एक महिलालाई जबरजस्ती करणी गरेको प्रगति देखिएको छ ।

बर्दियाको बढैयाताल गाँउपालिका वार्ड न ३ का वडाध्यक्ष लल्लन आहिरले स्थानिय विवाहित ३० वर्षिया एक महिलालाई पछिल्लो समय जवरजस्ती करणी गरेको भन्दै पीडितले इलाका प्रहरी कार्यालय मैनापोखरमा मुद्धा दर्ता गराएकी हुन । प्रहरी स्रोतका अनुसार ति महिला ५ महिनाको गर्भवती रहेकी छिन ।

इलाका प्रहरी कार्यालयमा उजुरी परेलगत्तै फरार रहेका आहिरलाई प्रहरीले खोजी गरिरेको इलाका प्रहरी कार्यालय मैनापोखरका प्रहरी निरिक्षक कमल क्षेत्रीले नेपालबहस लाई बताए । सम्भावित स्थानका खोजी कार्यजारी रहेको बताइएको छ ।

गएको स्थानिय तहको निर्वाचनमा आरोपित लल्लन आहिर नेकपा एमाले पार्टि बाट निर्वाचन लडदै वडाध्यक्षमा विजयी भएका थिए । जन प्रतिनिधिको सय दिनको प्रगति विवरण सार्वजनकि भैरहेका बेला यस्ता खालका घटनाले के सन्देश दिन खाजेको हो भन्न नसकिने स्थानियवासीहरुको भनाई रहेको छ ।

यस विषयमा बुझन खोज्दा आरोपित लल्लन आहिरको मोवाइल अफ रहेको छ । घटनाको विषयमा थप अनुसन्धान भैरहेको प्रहरीले जनाएको छ ।