शेरजंगले दिएको सन्देश : हाम्रो समाज र हिरासतमा रहेका बेला फोटो खिच्ने रवि

♦दीपक शर्मा

२१ भदौं, काठमाडौं । कुनै पनि व्यक्ति हिरासतमा रहेका बेला अक्रो व्यक्ति गएर फोटो खिच्न पाइँदैन् । तर, सोमबार राष्ट्रिय स्वन्तत्र पार्टीका संयोजक रवि लामिछानेले हिरासतमा रहेका शेरजंग गुरुङलाई भेटघाट गरेको फोटो समेत सार्वजनिक गरे । आफुलाई चर्चामा ल्याउन र पीडितप्रति सहानुभूति देखाउन रविले गरेको यो कार्य निन्दनीत त छदैछ संगसंगै उनलाई कारवाहीको भागिदार बनाउन पनि प्रशासनले कदम चाल्नुपर्छ ।

हिरासतमा रहेका व्यक्तिसंग बसेर फोटो खिच्ने वातावरण बनाएको र सो सामाजिक सञ्जालमा आएको भन्दै प्रहरी वृत्त दरबारमार्गका डीएसपी कोपिला चुडालमाथि छानबिन सुरु गरिएको छ भने प्रहरी निरीक्षकको जिम्मेवारी खोसीएको छ । संस्कृति, पर्यटन तथा नागरिक उड्डयनमन्त्री जीवनराम श्रेष्ठलाई ‘लाइन बस्न’ लगाएको आरोपमा पक्राउ परेर हिरासतमा रहेका बेला रवि लामिछानेले हिरासत कक्षमा पुगी भेट गरेका थिए ।

हिरासतमा रहेका व्यक्तिको फोटो समेत खिचेर सार्वजनिक गरेको पाइएको भन्दै चुडालमाथि छानबिन प्रक्रिया अघि बढाइएको हो । यही प्रकरणमा दरबारमार्गकै इन्स्पेक्टर विकास तामाङको जिम्मेवारी समेत खोसिएको छ । तर नियम अनुसार हिरासतमा रहेका व्यक्तिसंग भेटघाट गर्न पाइएपनि उसैसंग बसेर फोटो खिच्नेकाम पनि गर्न पाइदैन ।

यो नियमको उल्लघङन भएको छ यसको जिम्मेवारी रवि भएपनि त्यसको सिकार भने डीएसपी र इन्सपेक्टर भएका छन । विश्वास नै ठुलो आधार हो विश्वास टुटेको खन्डमा केहि भन्न सकिने अवस्था रहदैन । हिरासतमा रहेका लाई भेटन गएका रविले ति प्रहरी अधिकारीहरुको अनुमति लिए होलान र फोटो नखिच्ने भन्ने सहमति पनि भएको होला । अव डीएसपी र इन्सपेक्टरलाई के हुन्छ भन्न सकिदैन तर रविले पनि विश्वास तोडिदिनु हुनेथिएन् ।

नियम सवैका लागी बरावर हुनेभन्दा मन्त्रीको ठाडो आदेशमा पक्राउ परका शेरजंग गुरुङलाई हिरासतमा लिन दवाव दिदै अभद्रव्यवहारको मुद्दामेत लगाइएको थियो । संञ्चारमाध्यम तथा सामाजिक सञ्जालमा मन्त्रीको कार्यशैलीप्रति व्यापक विरोध भएपछि गृहमन्त्रीले नै फोन गरेर हिरासतमा रहेका गुरुङलाई छोडन भनेपछि प्रहरीले सोमबार बेलुका उनलाई छोडेको थियो । यस अघि पक्राउ परेका सुरक्षा गार्डलाई प्रहरीले थप ५ दिन हिरासतमा राख्न अनुमति पाएको थियो । सोमबार जिल्ला प्रशासन कार्यालय काठमाडौंले गुरुङलाई साधारण तारेखमा थुनामुक्त गरिएको हो ।

नियम कानून बनाउने पदमा रहेका जनताका प्रतिनिधिहरुले आफैले बनाएको ऐन कानुलाई मिच्दै हिडने र त्यसको खिल्ली उडाउने काम भैरहेको अवस्थामा हामिले कस्ता खालका जनप्रनिधिलाई चुनेका रहेछौ भन्ने खालको सन्देश पनि गएको छ । ऐन नियम कानून सवैका लागी वरावर हो त्यसको पालना गर्नु सवैको कर्तव्य हो ।

एउटा सामान्य नागरिकले आफनो काम इमानदारी पूर्वक निभाइरहेका बेला उसलाई प्रोत्साहन गर्नु पर्ने अवस्थामा उल्टै शक्ति र सत्ताको उन्मादमा त्यस्ता इमादारहरुलाई थुनाउदै जाने हो भने किन आवश्यकता परर्यो र ऐन नियम कानूनको, जसले जे गरे पनि हुने भयो हैन र ? । तर, यो घटनाले संस्कृति, पर्यटन तथा नागरिक उड्डयनमन्त्री जीवनराम श्रेष्ठलाई ठुलो झापट लागेको छ भने शेरजंग गुरुङ शेर बनेर थुनामुक्त भएका छन ।

उनले सिकाएको पाठ आफनो काम इमान्दारी पुर्वक निभाउनु पर्छ भन्ने सन्देश सवैलाई दिएका छन । यो देशमा यस्तै शेरजंग गुरुङ जस्ता व्यक्तिहरुको आवश्यकता देखिन्छ । सत्ता र शक्तिमा रहनेहरुले पनि आगामी दिनमा यो घटनाबाट पाठ सिक्न आवश्यक छ ।