असनमा महानगरको प्रहरी टोलि, फुटपाथ व्यवसाय हटाइदै

२१ भदौ, काठमाडौं । काठमाडौं महानगरपालिकाको नगर प्रहरी टोलि काठमाडौंको अत्यन्तै ब्यस्त असन बजार पुगेको छ । असन बजार क्षेत्रमा फुटपाथमा लगाइएको ब्यापार सामग्री हटाउन नगर प्रहरी सक्रिय भएको हो ।

इन्द्रचोकदेखि असन हुँदै ठमेल र भोटाहिटी निस्किने सडक क्षेत्रमा सडक र फुटपाथमा ब्यापार सञ्चालन हुँदा पैदल हिंड्ने सर्वसाधारणलाई समस्या हुँदै आएको छ ।
इन्द्रचोक क्षेत्रमा पछिल्लो समय अव्यवस्थित रुपमा सञ्चालनमा भइरहेको पार्किङ, मन्दिर वरिपरिको व्यवसाय हटाइरहेको महानगरले आजदेखि फुटपाथमा राखिका पसलहरु पनि हटाउन सुरु गरेको हो ।

असन क्षेत्रमा ब्यापारीले फुटपाथमा राखेका भाँडाकुँडा, क्रिष्टलका सामग्रीहरु, खेलौना पसल, फेन्सीका सामान, माटाका सामग्रीहरु राखेर ब्यवसाय सञ्चालन गर्दै आएका छन् ।